Almaniyanın Mannheim şəhərində terror aktı törədilib. Avtomobil izdihamın üstünə çırpılıb.

Sfera.az xəbər verir ki, sərnişin avtomobilində olan naməlum şəxs yüksək sürətlə piyada zolağında insanların üzərinə sürüb, 2 nəfər ölüb, 25 nəfər yaralanıb. Sürücü həbs edilib.

Polis sözçüsü avtomobil sürücüsünün saxlanıldığını bildirib. Başqa şübhəlilərin olub-olmadığının hələlik məlum deyil.

Polis sakinləri ərazidən uzaq durmağa çağırır. Şəhərin mərkəzində demək olar ki, bütün küçələr bağlanıb. Şəhərdən çıxan bütün yollar və körpülər pulemyotlu polis əməkdaşları tərəfindən idarə olunur və Mannheim üzərində bir vertolyot dövrə vurur.

Hadisə Qərbi Almaniyanın Reynland şəhərlərində karnaval mövsümü ilə əlaqədar paradlara toplaşan izdiham zamanı baş verib.

Şahidlərin bildirdiyinə görə, qara rəngli avtomobil yüksək sürətlə mərkəzi Paradeplatz meydanından şəhərin simvolu olan su qülləsinə gedən bir qrup insanın üzərinə düşüb.

Hadisə dekabrda Maqdeburqda və yanvarda Münhendə törədilən oxşar hücumlardan, həmçinin 2024-cü ilin mayında Mannheimdə bıçaqlı hücumdan sonra baş verən növbəti terror aktıdır.

İslam Dövləti terror qruplaşması ilə əlaqəli sosial media hesablarında Köln və Nürnberqdəki hadisələrə hücumlara çağırışlar göründükdən sonra polis builki karnaval paradları üçün yüksək hazırlıq vəziyyətinə gətirilib.

Aynil

Almaniyada terror aktı: Sürücü avtomobili insanların üstünə sürüb - VİDEO