Evini qəsdən partladıb: Niyə belə etdi?

Britaniyada məhkəmə bir evi dağıdan və yaxınlıqdakı tikililərə ciddi ziyan vuran partlayışın qəsdən törədildiyini müəyyən edib. Hadisə ötən ilin iyununda Böyük Britaniyada baş verib və iş üzrə əsas müttəhim 57 yaşlı Endryu Makkabin olub. O, iki otaqlı evdə yaşayırdı


Sfera.az bildirir ki, hadisə baş verən gün Endryu Makkabin qonşularına qaz iyi gəldiyini və hətta zarafatla onların hamısını partlatacaqlarını deyib. Problemlə bağlı kommunal xidmətlərə xəbərdarlıq etməyib.
 

Prokurorların sözlərinə görə, həmin şəxs partlayışdan bir neçə dəqiqə əvvəl kirayə qaldığı evdə qaz təchizatına müdaxilə edib. Lakin özü qaz iyini hiss etməsinə baxmayaraq, problemlə bağlı kommunal xidmətlərə xəbərdarlıq etməyib.
 

Məhkəmə Teesside Crown Məhkəməsində müttəhimin iştirakı olmadan keçirilib. Çünki o, ruhi xəstəlik səbəbiylə mühakimə oluna bilməz. Lakin iki saatlıq müşavirədən sonra münsiflər heyəti Makkabinin cinayəti törətdiyi qənaətinə gəlib.


Hakim Simon Baptiste bildirib ki, o, müttəhimi psixiatriya xəstəxanasına yerləşdirməyi düşünür, lakin əlavə tibbi müayinələr tələb olunacaq. Makkabin hazırda həbsdədir.
 

İstintaq müəyyən edib ki, həmin şəxs 2017-ci ildən ikiotaqlı evdə yaşayıb. Partlayışdan bir neçə həftə əvvəl o, intihar düşüncələrini dilə gətirib. Hadisə baş verən gün o, qonşularına qaz iyi gəldiyini deyib və hətta zarafatla: “Hamımızın tüstüsü göyə sovrulacaq”-deyib.


Partlayış Makkabinin ağır yanıq xəsarətləri alması ilə nəticələnib. Mütəxəssislər müəyyən ediblər ki, qaz borusu qəsdən kəsilib. Müşahidə kameraları da həmin gün evdə yeganə şəxsin Makkabbin olduğunu müəyyən edib.

Aynil