İtən təyyarə yenidən axtarılacaq - On bir ildən sonra
On bir il əvvəl radarlardan itən “Malaysia Airlines” aviaşirkətinə məxsus “Boeing 777-200” sərnişin təyyarəsinin axtarışlarına yenidən başlanılıb.
Sfera.az xəbər verir ki, bu barədə məlumatı “9News” portalı yayıb.
Axtarışlara Avstraliyanın qərb sahillərində Sakit okeanda başlanılıb. Axtarış əməliyyatlarını Malayziya hökuməti ilə müqavilə imzalayan ABŞ-nin “Ocean Infinity” şirkəti həyata keçirir.
“Ocean Infinity” axtarışları təyyarənin itdiyi güman edilən 15 min kvadrat kilometr ərazidə aparacaq.
Xatırladaq ki, 2014-cü il martın 8-nə keçən gecə göyərtəsində 227 sərnişin və 12 ekipaj üzvü olan təyyarə radarlardan itib. Ehtimallara görə, hava gəmisi Sakit okeanın cənub hissəsində qəzaya düşüb. Həmin dövrdə axtarış əməliyyatı zamanı qəza yerini müəyyən etmək mümkün olmamışdı. 2024-cü ildə isə Malayziyanın nəqliyyat naziri Entoni Loke Sieu Fuk bildirmişdi ki, ölkəsi təyyarənin axtarışlarını bərpa etmək istəyir.
Bəsti Rəfizadə
