Avropa Müdafiə Fondu yaradılacaq - “Köhnə qitə”nin təhlükəsizliyi risk altındadır

Almaniyanın xarici işlər naziri Annalena Baerbok Avropa qitəsinin təhlükəsizliyini və müdafiə qabiliyyətini gücləndirmək üçün Avropa Müdafiə Fondunun yaradılmasını təklif edib.

Sfera.az xarici mediaya istinadən xəbər verir ki, təklif bu gün açıqlanıb. 

Baerbok bildirib ki, Avropa İttifaqının Sabitlik və İnkişaf Paktının zəiflədilməsi üzv dövlətlərə milli müdafiə xərclərini artırmağa imkan verən mühüm addım olacaq. Bununla belə, o qeyd edib ki, təkcə bu tədbir bütün ölkələr üçün kifayət olmaya bilər. Bu problemi effektiv həll etmək üçün Baerbok Avropa müdafiə fondunun yaradılmasının zəruriliyini vurğuladı. Onun fikrincə, belə bir fond Avropanın müdafiə infrastrukturunu gücləndirmək üçün lazımi dəstəyi verə bilər.

Xatırladaq ki, əvvəllər də oxşar təkliflər verilsə də həmin təkliflər dəstəklənməmişdi. Lakin indi vəziyyət fərqlidir və Avropanın müdafiəsinin, təhlükəsizliyinin gücləndirilməsinə ehtiyac var. 

Vasif