Papanın son durumu açıqlandı
İkiqat pnevmoniyadan əziyyət çəkən Papa Fransiskin vəziyyəti kritik, lakin stabil ağır olaraq qalır.
Sfera.az xəbər verir ki, bu barədə Müqəddəs Taxt-Tacın mətbuat xidmətinin bəyanatında deyilir.
“Papanın vəziyyəti kritik, lakin stabil olaraq qalır. Kəskin tənəffüs tutmalarının təkrarlanan epizodları olmayıb. Bir sıra qan parametrləri də sabit qalır. Papa ikitərəfli sətəlcəmin radioloji monitorinqi üçün müntəzəm KT müayinəsindən keçir”, - məlumatda bildirilir.
Qeyd edək ki, fevralın 14-dən ikiqat pnevmoniya diaqnozu qoyulan 88 yaşlı Fransisk Agostino Gemelli Xəstəxanasındadır. Ona fevralın 22-də tənəffüs yollarının polimikrob infeksiyası diaqnozu qoyulub və bununla yanaşı, qanda trombositlərin azalması səbəbindən yaranan anemiya ilə əlaqədar qan köçürülməsi tələb edilib.
Firuzə Əliyeva
