Zorakılığa məruz qaldığı üçün boy uzadılması əməliyyatı edən gəncin hekayəsi - FOTO
İndiki vaxtda qısa boylu olmaq həm cəmiyyətdə, həm də münasibətlərdə bəzən böyük bir tabuya çevrilə bilir. 23 yaşlı Leon niyə əməliyyat etmək qərarına gəldiyini izah edir. Boyu 172 sm olduğu üçün orta məktəbdə zorakılığa məruz qaldığını ifadə edən Leon, ayaq uzatma əməliyyatı ilə daha sonra 182 sm, daha sonra 192 sm boyuna çatıb. Artıq özünə son dərəcə güvəndiyini deyən Leon, o prosesi və yaşadığı transformasiyanı bütün təfərrüatı ilə bölüşüb.
Sfera.az kiçik yaşlarında zorakılığa məruz qaldığı üçün boy uzatma əməliyyatı etdirən gəncin motivasiya hekayəsini təqdim edir.
Təqdir etdiyiniz kimi, bu gün bəzilərimiz üçün "boy" və "çəki" vacibdir.
Bu hətta bir "vəsvəsə"yə də çevrilə bilər.
23 yaşlı Leon adlı gənc də onun qısaboyunu ürəyinə salaraq, qollarını çırmalayıb.
Boyunu 172 sm-dən 192 sm-ə çatdırmaq üçün əməliyyat olunan Leon orta məktəbdə boyuna görə zorakılığa məruz qaldığını da əlavə edir.
"Hər zaman uzun boylu olmağı xəyal edirdim. Səyahətim 2023-cü ildə ilk ayağımın uzanma əməliyyatını bud sümüyümdən keçirəndə başladı. LON üsulu ilə xarici fiksatordan istifadə edərək boyu 171,5 sm-dən 182 sm-ə qaldırdım".
LON metodunun digər ayaq uzatma əməliyyatlarına nisbətən daha az "invaziv" olduğu deyilir, lakin bu hələ də ağrılı bir prosesdir və nəticələrə nail olmaq aylar çəkə bilər.
Bəs, bu əməliyyat necə həyata keçirilir?
Ayaq sümüklərinə bir deşik açılır, sonra sümüklər iki yerə bölünür. Metal çubuq cərrahi yolla daxil edilir və bir sıra vintlər ilə bərkidilir.
Çubuq hər gün yavaş-yavaş 1 mm uzadılır və bu proses xəstənin istədiyi hündürlüyə çatana qədər davam edir. Sümüklər yenidən bir araya gələnə qədər uzanma təmin edilir.
Xəstənin hərəkətliliyini bərpa etmək üçün bir neçə ay davam edən gündəlik reabilitasiya prosesi tələb olunur.
Bu proses əsnasında sinir zədələri, qan laxtalanmaları və sümük birləşmələri kimi nəzərə alınması lazım olan bir çox fəsadlar baş verə bilər.
Leon isə yeni görünüşündən çox məmnun olduğunu və özünü daha inamlı hiss etdiyini deyir.
Aysel
