Dəhşətli qəzalara görə təyyarəyə dualı su səpdi - FOTO

Populyar “TikTok bloggeri” Desiree Salter, “JetBlue” reysinə minməzdən əvvəl təyyarə qəzaları ilə bağlı qeyri-adi paylaşım yazdıqdan sonra viral olub.
 

Sfera.az bildirir ki, Desiree Salter təyyarənin içərisini müqəddəs su ilə silərkən və uçuşdan əvvəl dua edərkən özünü lentə alıb. Onun bu hərəkətinə insanların reaksiyası qarışıq olub.
 

“TikTok”da “İsanın adı ilə dua edirik... Amin!” başlığı ilə yayımlanan video 5,7 milyondan çox baxış və çoxsaylı şərhlər toplayıb.
 

İstifadəçilərin reaksiyası qarışıq olub: bəziləri Desireyi dəstəkləyib, onun hərəkətlərini ehtiyatlılıq kimi qiymətləndirib, digərləri isə bunu yumorla qarşılayıb.
 

Qeyd edək ki, bloqqerin bu hərəkətinə “Delta” Hava Yollarına məxsus təyyarə ilə son insident səbəb olub. Xəbər verdiyimiz kimi, bu həftənin əvvəlində Kanada istehsalı olan “Bombardier CRJ-900” təyyarəsi buzlu uçuş-enmə zolağına enərkən çevrilib. Hadisə nəticəsində 15 nəfər xəsarət alıb, onlardan üçünün vəziyyəti ağırdır. Buna baxmayaraq, reysdə olan 80 sərnişinin hamısı sağ qalıb.
 

Mütəxəssislər hadisəni 2009-cu ildə ABŞ Hava Yollarına məxsus təyyarənin Hudson çayına möcüzəvi şəkildə sıçraması ilə müqayisə edirlər.

"Bu hal müsbət hesab oluna bilər, çünki təyyarənin gövdəsi toxunulmaz qalıb və CRJ-900 onun etibarlılığını təsdiqləyib" - deyə aviasiya eksperti qeyd edib.

Aysel