Argentina Prezidenti İlon Maska mişar hədiyyə etdi
Argentina prezidenti Xavyer Miley amerikalı iş adamı və ABŞ Hökumətin Səmərəliliyi Departamentinin (DOGE) rəhbəri İlon Maska qeyri-adi hədiyyə təqdim edib. Hədiyyə zəncirli mişar olub. Tədbir Vaşinqtonda keçirilən illik Mühafizəkar Siyasi Fəaliyyət Konfransında (CPAC) baş tutub və video “PBS News”da nümayiş etdirilib.
Sfera.az bildirir ki, xəncirli mişar Argentina prezidentinin iqtisadi islahatlarının və onun şişmiş bürokratiyanı dağıtmaq ideyasının simvoludur. İlon Mask isə hazırda ABŞ-da dövlət iş yerlərini kütləvi şəkildə ixtisar edir.
“Make America Great Again” imzalı qara papağını taxan Mask konfransdakı çıxışına başlayarkən Miley səhnəyə çıxıb və milyarderə mişar verib.
"Bu zəncir bürokratiya ilə mübarizə üçündür!" – deyə Mask aləti başı üzərində yelləyərək uca səslə bildirib.
Elektrik mişarının üzərində Xavier Milinin "Viva la libertad, carajo" şüarı həkk olunub, bu sloqan ispan dilindən tərcümədə "Yaşasın azadlıq, lənətə gəlmiş" deməkdir.
Hədiyyədən sonra İlon Mask hətta “X sosial şəbəkəsindəki profil şəklini dəyişərək, zəncirli mişarla şəklini yerləşdirib.
Qeyd edək ki, zəncirli mişar Miley tərəfindən 2023-cü il seçki kampaniyası zamanı Argentinanın şişmiş bürokratiyasını dağıtmaq ideyasının simvolu kimi istifadə edilmişdir. Bu alət sonradan Argentina liderinin iqtisadi islahatlarının simvoluna çevrilib.
Məsələ ilə tanış olan mənbənin “Reuters”ə verdiyi məlumata görə, Mask ABŞ hökumətində kütləvi ixtisarlara görə məsuliyyət daşıyır, 6000-ə qədər Daxili Gəlir Xidməti işçisi fevralın 20-də ixtisarlar barədə bildiriş alıb.
Aynil
