“Eastar Jet” ciddi təhlükəsizlik qaydalarını pozaraq təyyarənin qanadında şəkil çəkdirən stüardessalardan biri ilə bağlı daxili araşdırma aparır.

Sfera.az bildirir ki, eksperimental fotosessiya 703 saylı sərnişin reysinin Cənubi Koreyanın Jeonju beynəlxalq hava limanında güclü qar yağması səbəbindən bir saat gecikməsi zamanı baş verib.

Görüntülərdə rəsmi forma geyinmiş üç Eastar Jet stüardessasının dramatik kadrı çəkmək üçün “Boeing 737”nin sol qanadına çıxdıqları görünür.

Qeyd edək ki, hava limanı hərbi obyektdir, burada foto və video çəkilişlər qəti qadağandır. Qaydaları pozmağa görə cəza üç ilə qədər həbs və ya 16,493 funt sterlinq (təxminən 865,000 UAH) məbləğində cərimə ola bilər.

Seulda yerləşən Eastar Jet hava yolu şirkəti qadın işçilərin fövqəladə çıxışı sırf fotoşəkil çəkdirmək üçün açması ilə bağlı yayılan xəbərləri təkzib edib və bunun fövqəladə məşq olduğunu bildirib.

"Aviaşirkət güclü qar yağması ilə əlaqədar gecikmədən istifadə edərək, adətən təşkili çətin olan təcili çıxışdan istifadə edərək məşq keçirdir” - deyə aviaşirkətin sözçüsü bildirib.

Eyni zamanda, “Eastar Jet” stüardessaların hərəkətlərinin yersiz olduğunu etiraf edib və daxili araşdırma aparacağına söz verib.

Aysel

Uçuş bələdçisinin təyyarənin qanadında fotosessiya etmək istəyi istintaqla nəticələnib