Qadının aldığı qeyri-adi paltarı heç kim düzgün geyinməyi bilmir - VİDEO
Aisat (İngiltərə) adlı London sakini “Zara” paltarını necə geyinəcəyini anlamaq üçün çəkdiyi mübarizəni paylaşdıqdan sonra sosial media ulduzuna çevrilib.
Sfera.az bildirir ki, Aisat adlı bloqqerin videosu qısa zamanda internetdə yayılaraq milyonlarla baxış və yüzlərlə şərh toplayıb.
Belə ki, Aisat satışda “Zara ZW Collection” Printed Midi paltarı alıb, lakin gözlənilməz problemlə üzləşib – üslub o qədər qarışıq olub ki, qız sadəcə onu necə geyinəcəyini anlaya bilməyib.
"Çəkmələri gözləyərkən bir qızın onu götürüb tez oradan uzaqlaşdığını gördüm. Anidən mən də bu paltardan istədim”.
Çarəsiz qalan qız kömək üçün “TikTok” istifadəçilərinə müraciət edərək, paltarın sirrini açmaq cəhdlərinin videosunu yayımlayıb. 15,4 milyon dəfə baxılan videoda qız çaşqınlıqla paltara baxaraq, qollarının harada olduğunu və onu necə düzgün geyinəcəyini anlamağa çalışıb.
Aisat qızğın müzakirələrə səbəb olan videoda "Başımın hara olduğunu, əllərimin hara getməli olduğunu bilmirəm. Deşiklər var, amma nə üçün olduğunu anlamıram" deyir.
Şərhlərdə istifadəçilər öz təxminlərini və köməklərini paylaşıblar:
“Zarada mən də bu paltarı geyinməyə çalışdım, hətta işçilər də mənə kömək edə bilmədi”;
"Mən onu qaytarmalı oldum, çox mürəkkəb idi";
"Mən heç vaxt internetdə kiməsə baxanda belə stress hiss etməmişdim."
Videonun populyarlığı bir sıra yeni yazıların yaranmasına səbəb olub, burada Aisat paltarı geyinməyin yollarını axtarmağa davam edib və abunəçilər ona müxtəlif təlimatlar və nəzəriyyələr təklif ediblər.
Nəhayət, dörd gün və bir çox uğursuz cəhdlərdən sonra qız kömək üçün ailəsinə müraciət edib. Onların dəstəyi ilə o, nəhayət, paltarı geyinə bilib, hətta bu vəziyyətdə də paltar “Zara saytındakı” fotoşəkildən çox fərqli görünüb.
Aysat öz növbəsində baş verənlərə yumoristik yanaşır, etiraf edir ki, gündə bir saat şərhləri oxuyub, vəziyyətə gülür.
Aynil
