Daha bir qalmaqal: Zoopark bunun üçün eşşəklərdən zebralar "yaratdı"
Çində son aylar ərzində növbəti zoopark qalmaqalı yaşanıb. Belə ki; Şandunq əyalətindəki zoopark işçilərinin eşşəklərə ağ-qara zolaqlar çəkərək onları zebra kimi ötürdükləri aşkar edilib.
Sfera.az bildirir ki, zoopark rəsmiləri bu addımı daha çox ziyarətçi cəlb etmək üçün atdıqlarını etiraf ediblər. Bununla belə, heyvan haqları fəalları həyəcan təbili çalır və daha güclü tənzimləyici nəzarətə çağırırlar.
“Zibo City” əyləncə parkında çəkilmiş heyvanların fotoları sürətlə sosial mediada yayılaraq tənqid və zarafat dalğasına səbəb olub. Çinin “Weibo” və “Douyi” platformalarının istifadəçiləri bu praktikanı pisləyərək, bunu "fırıldaq" və "qeyri-etik" adlandırıblar.
İstifadə olunan boyaların heyvanlar üçün təhlükəsiz olduğuna əmin ediblər. Bununla belə, heyvan hüquqları müdafiəçiləri narahatlıqlarını ifadə edərək, gələcəkdə bu cür hadisələrin qarşısını almaq üçün daha sərt qaydalara çağırıblar.
Qeyd etdiyimiz kimi, bu, Çində ilk belə hadisə deyil. Keçən ay başqa bir zoopark itləri pələng kimi ötürmək üçün onları narıncı və qara zolaqlara boyadıqdan sonra manşetlərə çıxmışdı.
Qalmaqal zooparklarda heyvanların əyləncə sənayesinin daha sərt tənzimlənməsi zərurəti ilə bağlı müzakirələri yenidən alovlandırıb.
Aysel
