66 yaşlı amerikalı müğənni Madonna gənc sevgilisi 28 yaşlı Akim Morrislə romantik fotolar paylaşaraq yeni xəbəri açıqlayıb. Sənətçi “İnstaqram”da Sevgililər Günü şərəfinə video yayımlayıb.

Sfera.az bildirir ki, Pop-Diva Madonna pərəstişkarlarına yeni albomun çıxması haqqında məlumat verib. Bu, sənətçinin 20 il əvvəl işıq üzü görən onuncu studiya albomu olan “Confessions on a Dance Floor”un davamı olacaq.

"Bütün pərəstişkarlarıma Sevgililər Günü hədiyyəm, ürəyimi və ruhumu bu yeni musiqiyə sərf etdiyimi və onu sizinlə bölüşmək üçün səbirsizləndiyimi bildirməkdir. Etiraflar 2-ci hissə"- deyə Madonna bildirib.

Kadrlarda sənətçinin gənc seçilmişi də yer alıb. Qeyd edək ki, Diva və Akim Morris 2024-cü ildən görüşür. Madonna şəxsi həyatı ilə yanaşı yaradıcılıqla da fəal məşğul olur.

Madonna corabda və şəffaf üst paltarda poza verib.

Məşhurun yeni albomu son 5 ildən çox müddətdə ilk olacaq. Onun son albomu “Madame X” 2019-cu ildə işıq üzü görüb.

Klipdə sənətçinin övladları da yer alıb.

Onun fitnes məşqçisi Karlos Leondan 28 yaşlı Lourdes adlı qızı, daha sonra isə keçmiş əri Qay Riçidən 24 yaşlı oğlu Rokko Riçi dünyaya gətirib.

Madonna həmçinin Malavidən dörd uşağı - 19 yaşlı oğlu Devid Banda, 18 yaşlı qızı Mersi Ceymsi və 12 yaşlı əkiz qızları Stella və Esteri övladlığa götürüb.

Keçmiş futbolçu Akim Madonna ilə ilk dəfə 2022-ci ilin avqustunda tanış olsa da, onların münasibəti təxminən iki il sonra təsdiqlənib.

Aynil

Madonna gənc sevgilisi ilə görüntülənib: Mühüm xəbər açıqlayıb - FOTOLAR