Avropa ölkəsi 12 yeni şəhər tikəcək

Böyük Britaniya hakimiyyəti ölkə boyu 12 yeni nəsil şəhər tikməyi planlaşdırır.

Sfera.az "The Guardian" qəzetinə istinadən xəbər verir ki, bunu Avropa ölkəsinin baş naziri Key Starmer bildirib.

Baş nazirin sözlərinə görə, belə tikintidən yüz minlərlə işçi və ailə faydalanacaq. Starmerin ofisi layihəni müharibədən sonrakı dövrdən bəri ən böyük mənzil proqramı adlandırıb.

Yeni şəhərlərin tikintisi üçün İngiltərədə 100-dən çox ərazinin nəzərdən keçirildiyi vurğulanır. 12 qəsəbənin hər birində ən azı 10 min yeni ev tikməyi planlaşdırırlar. Tezliklə məntəqələrin yaxınlığında klinikalar, məktəblər və ictimai nəqliyyat mövcud olacaq.