Həkimlər belə şoka düşdü: Ürəyi 14 dəqiqə dayanan qadın körpəsini dünyaya gətirib
30 yaşlı Nataşa Sokunbi hamiləliyinin son həftələrində qəfil pisləşib və infarkt keçirib. Xəstəxanaya aparılan zaman ürəyi 14 dəqiqə dayanıb, amma həkimlər onu yaşatmağa və eyni zamanda körpəsini dünyaya gətirməyə çalışıblar. Sonra baş verənlər həqiqətən möcüzə olub.
Sfera.az həkimləri belə şoka salan hadisənin təfərrüatlarını təqdim edir.
Hamiləliyinin 37-ci həftəsində olan Nataşa dekabrın 3-də qəfildən döş qəfəsində ağrılar və nəfəs darlığı hiss edib. Vəziyyətinin ciddiliyini anlayan qadın təcili yardım çağırıb və xəstəxanaya getməyi məsləhət görüb.
Amma xəstəxanaya çatmamış o, infarkt keçirib və təcili yardım otağının qarşısında yıxılıb.
Həkimlər cəld hərəkətə keçərək onu həyata qaytarmağa çalışır, eyni zamanda doğuma hazırlıq görürlər. Nataşanın ürəyi 14 dəqiqə dayanıb və o, klinik olaraq ölü hesab edilib.
Həkimlər Nataşanı əməliyyata aparıblar və təcili qeysəriyyə əməliyyatı ediblər. Bu vaxt bir komanda Nataşaya ürək masajı edərkən, digər komanda körpəni onun bətnində dünyaya gətirməyə çalışıb.
Bir neçə dəqiqəlik intensiv müdaxilədən sonra balaca Beau (Beo) dünyaya gözlərini açıb. Ancaq Nataşa hələ də həyat və ölüm arasındakı nazik xəttdə olub. 30 dəqiqəlik mübarizədən sonra həkimlər onu həyata qaytararaq süni tənəffüs aparatına qoşublar.
Ertəsi gün Nataşa reanimasiyada oyananda həyat yoldaşının əlində şəkil yanında dayandığını görüb. O, fotodakı balaca körpəni göstərərək: “Qızın var!" deyib. Nataşa bunu deyəndə şoka düşüb. Çünki ən son yadına düşən xəstəxanaya getməyə hazırlaşmaq idi.
Onun körpəsi Beo bir neçə gün neonatal şöbədə müşahidə altında saxlanılıb. Nataşa üç həftə xəstəxanada qalıb, bu müddət ərzində həkimlər ona ürəyinin yenidən dayanmasının qarşısını alan cihaz olan ICD (implantasiya edilə bilən defibrilator) quraşdırıblar.
Nataşa və Beonu həyata qaytarmaq həkimlər və tibb bacıları üçün böyük uğur olub. Onları müalicə edən tibb komandası üstün səylərinə görə “Baş Həkim Mükafatı” ilə təltif edilib.
Nataşa deyir ki, bu təcrübədən sonra həyata tamam başqa cür baxır:
"Artıq həyatda heç nəyi adi bir şey kimi qəbul etmirəm. Həm məni, həm də Beonu yaşadan həkimlərə bir ömür boyu minnətdaram!".
Aysel
