Çiy toyuq yemək ölümcül bakteriya daşıdığını bilirik, elə deyilmi? Amma kimsə bir gün: “Görəsən, həqiqətən xəstələnəcəyəmmi?” - deyə düşünüb.

Sfera.az bildirir ki, Floridada yaşayan Con 100 gün ərzində hər gün çiy toyuq yeməyə qərar verib və nəticələrini sosial şəbəkədə paylaşmağa başlayıb.

Con “İnstaqram”da "100 gün və ya mədəm ağrıyana qədər çiy toyuq yeyəcəm" - deyərək təcrübəyə başlayıb.

İlk videosunda o, əlində çiy toyuq döşü olub və yanında bir stəkan çiy yumurta olub. O, kameraya tərəf çevrilərək insanlara “Bunu evdə sınamayın!” deyə xəbərdarlıq etsə də, amma özü böyük təkidlə davam edib.

O, bu seriyanı “TikTok”da paylaşmaq istəsə də, platforma onun videolarını silib. Daha sonra “İnstaqram”a keçib və qısa müddətdə video 400 mindən çox izləyiciyə çatın. İnsanlar ondan hər gün yeni bir şey paylaşacağını gözləyirdilər.

Qeyd edək ki, çiy toyuq Salmonella və Campylobacter kimi ölümcül bakteriyalara sahib ola bilər. Normalda bu cür eksperiment aparan şəxs çoxdan xəstəxanaya yerləşdirilərdi. Lakin Con hələ də sağlam olduğunu iddia edir.

Başına gələ biləcək ən pis şey haqqında soruşduqda, "ən çox bir həftə bağırsaqlarım pozulacaqdı, amma həyatımda daha pis şeylər etdim"-deməsi isə vəziyyəti ciddiyə almadığını göstərir.

Xəstəliklərə Nəzarət və Qarşısının Alınması Mərkəzləri (CDC) çiy toyuğun ciddi qida zəhərlənməsinə səbəb ola biləcəyi barədə xəbərdarlıq edir. Təkcə ABŞ-da təqribən 1 milyon insanın hər il çirklənmiş quş ətindən xəstələndiyi təxmin edilir.

Çiy toyuq ətinin istehlakı bağırsaq infeksiyalarına, şiddətli qusmalara və hətta ölümcül ağırlaşmalara səbəb ola bilər. Lakin Con bu təcrübəni 100 gün davam etdirib.

Nəhayət, Con 100 gün çiy toyuq yedikdən sonra son videosunu paylaşıb:

“Xanımlar və cənablar, biz bunu etdik. 100 gün çiy toyuq yedim və heç bir mənfi təsir görmədim. İnsanların 99% -i bunun mümkün olmadığını düşünürdü, amma mən və bir neçə başqaları bunun mümkün olduğunu bilirdik."

Mən sadəcə bu təcrübə ilə həqiqəti görmək istədim. Nəticə tam gözlədiyim kimi oldu. Bəli, əvvəlcə bir az qorxdum, amma indi özümü əvvəlkindən də yaxşı hiss edirəm. Bundan sonra daha çox təcrübə aparacağam, çünki bunu etməyi xoşlayıram."

Onun postları 2024-cü ilin iyul ayından dayandırılıb. Beləliklə, onun davamçılarından heç biri Cona nə baş verdiyini bilmir. Kim bilir, bəlkə bir gün gəlib bizə bədənini həqiqətən necə dəyişdiyini deyəcək.

Aynil

100 gün ərzində çiy toyuq yeyən adamın ürəkbulandıran təcrübəsi