Üç həkim tərəfindən “ölü” diaqnozu qoyulan və yarılmadan öncə oyanan məhkum - FOTO
Bir səhər kamerasında ölü tapılan məhbus bir neçə saat ərzində morqda inanılmaz dərəcədə dirildilib. Hətta həkimlər də bu vəziyyəti başa düşə bilməyiblər. Bu hadisə həm tibb dünyasını, həm də ictimaiyyəti şoka salıb.
“Ölü” olan insan yenidən həyat əlamətlərini necə göstərə bilər?
Sfera.az bu qeyri-adi hekayənin təfərrüatlarını təqdim edir.
29 yaşlı Qonzalo Montoya Ximenez 7 yanvar 2018-ci il səhəri İspaniyanın şimal-qərbindəki Asturias Mərkəzi Həbsxanasında huşsuz vəziyyətdə tapılıb.
İşçilərin çağırdığı iki həbsxana həkimi məhbusda həyat əlaməti olmadığını aşkar edərək, onun öldüyünü elan ediblər.
Bir saat sonra gələn koroner bu diaqnozu təsdiqləyib və üçüncü ölüm hesabatı hazırlanıb. Beləliklə, Montoya meyitxanaya aparılıb və yarılma üçün hazırlıqlar başlanıb.
Montoyanın cansız bədəni soyuducu anbara yerləşdirilib və dərisinin yarılma üçün hazır olduğu qeyd edilib.
Lakin yarılma başlamazdan əvvəl cəsəd çantasından gələn xoruldama səsi həkimləri çaşdırıb.
Ədliyyə həkimləri çantanı açıb, Montoyanın sağ olduğunu anlayıb və dərhal müdaxilə edərək, məhbusu başqa xəstəxanaya köçürüblər.
Montoyanın ailəsi və həkimlər hadisənin arxasında "katalepsiya" adlı bir vəziyyətin ola biləcəyinə inanırlar.
Nadir nevroloji vəziyyət bədənin bir növ trans və ya tutma vəziyyəti kimi təsvir olunur.
Epilepsiya xəstəsi olan Montoyanın həbsxana şəraitində dərmanlarını müntəzəm qəbul edə bilməməsi səbəb ola bilər.
Sianoz (oksigen çatışmazlığından yaranan dəri göyərmələri) və rigor mortis (ölüm sərtliyi) əlamətləri göstərən məhbusun vəziyyəti, görünür, həkimləri çaşdırıb.
Montoya 24 saat reanimasiyada müalicə olunduqdan sonra özünə gəlib və gözlərini açan kimi tibb bacılarından soruşub: "Həyat yoldaşımı görə bilərəm?"
Həyata dönüşü hər kəs üçün möcüzə olan Montoya bu hadisə ilə adını tarixə yazıb.
Aysel
