"Əgər Fələstin dövləti istəyirlərsə..." - Netanyahudan SƏRT AÇIQLAMA

İsrailin Baş naziri Benyamin Netanyahu Yaxın Şərqdə gərginliyi artıran növbəti bəyanatla çıxış edib.

Sfera.az bildirir ki, o, “Kanal 14” televiziyasına açıqlamalar verib.  Səudiyyə Ərəbistanının Təl-Əvivlə normallaşma şərtinin Fələstin dövlətinin qurulması olduğuna işarə edən Netanyahu fikirlərini bu cür ifadə edib: “Əgər Fələstin dövləti istəyirlərsə, Səudiyyə Ərəbistanında qura bilərlər”. 

İsrail baş naziri Fələstin dövlətinin qurulmasının HƏMAS üçün qələbə, İsrail üçün isə məğlubiyyət olacağını deyib. 

Xatırladaq ki, ABŞ Prezidenti Donald Tramp Səudiyyə Ərəbistanının İsraillə normallaşma üçün Fələstin dövləti qurmaq şərtindən imtina etdiyini bildirmiş, Ər-Riyad tərəfi isə bunu təkzib etmişdi.

Qeyd edək ki, İsraillə normallaşma üçün Səudiyyə administrasiyası Vaşinqtondan müəyyən təhlükəsizlik zəmanətlərinin verməsini tələb edir. Lakin hazırkı İsrail hökuməti Fələstin dövlətinin yaradılmasına razı olmadığı üçün danışıqlarda irəliləyiş əldə olunmur.

Türkan