Suriyada rus hərbi bazaları daimi olacaq? - Nazirdən AÇIQLAMA

"Suriya müxtəlif ölkələrlə müdafiə sazişləri əldə etmək imkanını nəzərdən keçirir. Bu məqsədlə Suriya ABŞ və Türkiyə ilə ölkə ərazisindəki hərbi bazalarının statusu ilə bağlı “çətin danışıqlar” aparır". 

Sfera.az xəbər verir ki, bunu Suriyanın müdafiə naziri Murhaf Əbu Kəsra “The Washington Post”a bildirib. 

Nazir deyib ki, Suriyadakı Amerika bazaları məsələsi ABŞ Prezidenti Donald Trampın administrasiyası ilə müzakirə olunur:

“Hamı Trampın hakimiyyətə gələcəyini gözləyirdi. Amerika administrasiyası və yeni Suriya hökumətinin bu məsələni həll etmək üçün müəyyən vaxta ehtiyacı olacaq”. 

Rusiyanın Suriyadakı hərbi bazalarının taleyi isə qeyri-müəyyən olaraq qalır. Nazir deyib ki, Rusiyanın Suriyadakı hərbi bazaları Suriyanın yeni hökuməti üçün faydalı olacağı təqdirdə qalacaq. 

Xatırladaq ki, bu il yanvarın sonunda Rusiyanın nümayəndə heyəti Dəməşqə səfər edib və burada ikitərəfli münasibətlərin gələcəyi müzakirə olunub. Danışıqlardan sonra tərəflər Rusiya hərbi bazalarının ölkədə saxlanılması məsələsi üzrə məsləhətləşmələri davam etdirmək barədə razılığa gəliblər.

Vasif