Kremldən “Baltic Sentry” əməliyyatına REAKSİYA

Kreml “Baltic Sentry” patrul əməliyyatına yenidən reaksiya verib.

Sfera.az bildirir ki, rəsmi Moskva NATO-nun sözügedən əməliyyatı ilə bağlı cavab tədbirləri görəcəyini açıqlayıb. Bu barədə Rusiyanın Belçikadakı səfiri Aleksandr Tokovnin məlumat verib.

“Yanvar ayında Şimali Atlantika Alyansı “Baltic Sentry” adlı əməliyyata başlamaq üçün yeni qərar qəbul etdi. Təbii ki, Rusiya tərəfi əks tədbirlər görəcək”,   — Aleksandr Tokovnin “Rossiya 24” telekanalına müsahibəsində bildirib.

Qeyd edək ki, ötən ay Helsinkidə keçirilən Baltik Dənizi Dövlətləri Sammitində NATO-nun Baş katibi Mark Rutte Baltik dənizində patrul xidməti həyata keçirmək üçün “Baltic Sentry” missiyasının yaradıldığını elan edib. 

Günay