Çörəklərdə un qurdundan istifadə olunacaq - Yeni QƏRAR

Avropa İttifaqı ölkələrində ultrabənövşəyi radiasiya ilə müalicə olunmuş un qurdlarının süfrəsindən qida maddəsi kimi istifadə etmək mümkün olacaq. 

Sfera.az xəbər verir ki, yeniliyə əsasən, ultrabənövşəyi şüalarla işlənmiş un qurdları fevralın 10-dan ittifaq ölkələrinin bazarında satışa çıxarılacaq. 

Yeni qərara əsasən, Fransanın “Nutri Earth” şirkəti istehsalında qurd unundan istifadə edilən çörək, tort, makaron, emal olunmuş kartof məhsulları, süd məhsullarını və mürəbbəni satışa çıxara biləcək. Bu məhsulların etiketlərində ultrabənövşəyi şüalarla müalicə olunmuş un qurdlarının sürfələri olduğu və allergik reaksiyalara səbəb ola biləcəyi açıq şəkildə göstəriləcək. 

Qeyd edək ki, 2023-cü ildə Avropa Qida Təhlükəsizliyi Təşkilatı (EFSA) ultrabənövşəyi radiasiya ilə işlənmiş un qurdu sürfələri tozundan uyğun şərtlərdə istifadənin təhlükəsiz olduğunu müəyyən edib. EFSA müəyyən edib ki, qurd unundan çörək, tortlar, makaron, emal edilmiş kartof məhsulları, pendir, süd məhsulları və mürəbbələrin istehsalında istifafə mümkündür. 

Xatırladaq ki, Avropa İttifaqı daha əvvəl qidalarda müxtəlif həşəratların istifadəyə icazə vermişdi. Bu çərçivədə, dondurulmuş, qurudulmuş və ya toz halına salınmış un qurdu sürfələri, çəyirtkə və bəzi böcəklərdən  müəyyən miqdarda qidalara daxil edilməsinə icazə verib.

Vasif