"USAİD 100-dən çox ölkədə fəaliyyət göstərən cinayət şəbəkəsidir" - Rusiya rəsmisi
ABŞ Beynəlxalq İnkişaf Agentliyi (USAİD) 100-dən çox ölkədə fəaliyyət göstərən və illik 50-60 milyard dollar büdcəni idarə edən cinayətkar şəbəkəyə çevrilib.
Sfera.az xəbər verir ki, bunu Rusiya Dövlət Dumasının spikeri Vyaçeslav Volodin deyib.
"Öz nizamnaməsinə uyğun olaraq, USAİD iqtisadiyyat, səhiyyə və təhsili dəstəkləməli, habelə humanitar tədbirlər təklif etməlidir. Əslində, agentlik 100-dən çox ölkədə fəaliyyət göstərən və illik 50-60 milyard dollarlıq büdcəyə nəzarət edən cinayətkar şəbəkəyə çevrilib", - o bildirib.
"Bu gün USAİD-in Vaşinqtondakı mənzil-qərargahı bağlanıb və USAİD ləğv olunmaq üzrədir. İndi onun cinayətlərində günahkar olanların cəzalandırılması və bunun təkrarlanmaması vacibdir", - o vurğulayıb.
Volodin hesab edir ki, digər məsələlərlə yanaşı, agentlik bütün dünyada çevrilişlərin hazırlanmasında rol oynayıb və onun “demokratiyanın təşviqi” adlanan proqramları bir sıra ölkələrə zərər verib:
“Son on ildə USAİD keçmiş sovet respublikalarına 2 milyard dollardan çox vəsait xərcləyib ki, bunun da 52%-i Ukraynaya ayrılıb.Həmçinin USAİD bioloji silahlar üzrə tədqiqatların maliyyələşdirilməsində iştirak edib. Üç il əvvəl Dumanın rəhbərlik etdiyi parlamentdə Pentaqonun Ukraynada biolaboratoriyaların yaradılması və idarə edilməsi layihələri ilə bağlı araşdırması da bunu sübut edib. ABŞ və şəxsən ABŞ-nin keçmiş Prezidenti Co Bayden və onun oğlu Hanter qlobal miqyasda kütləvi qırğın silahlarının hazırlanması və yayılması layihələrinin arxasındadır”.
Firuzə Əliyeva
