"Tosuncuk" kimi tanınan Mehmet Aydına 45 min il həbs cəzası verildi
Kateqoriya məlum deyil
Türkiyədə "Tosuncuk" ləqəbi ilə tanınan Mehmet Aydın və böyük qardaşı Fatih Aydının hər biri 45 min 376 il 6 ay həbs cəzasına məhkum ediliblər.
Sfera.az xəbər verir ki, ictimaiyyət arasında "Çiftlik Bank" kimi tanınan piramida sisteminin qurucusu olduqları səbəbi ilə həbs edilən 20 şübhəli bu gün keçirilən son məhkəmə iclasına çıxıb.
İclasda son söz ilə çıxış edən Mehmet Aydın "Mən heç bir yalan ifadə verməmişəm. Bəraət hökmünü istəyirəm", - deyə bildirib.
Qeyd edək ki, "Tosuncuk" informasiya sistemləri vasitəsilə dələduzluq, cinayət təşkilatı yaratmaq və cinayət yolu ilə əldə edilmiş əmlakın yuyulması və çox sayda digər maddələrlə günahlandırlıb. Bütövlükdə o, 4 mindən çox cinayət epizodu üzrə təqsirkar bilinib.(oxu.az)
