Məşhur aktyor və aktrisalar haqda vergi araşdırması başladıldı - SİYAHI

Türkiyənin məşhur aktyor və aktrisaları haqqında vergi araşdırması başladılıb.

Sfera.az  “Yeni Şafak”a istinadən xəbər verir ki, buna səbəb onların çox qazandıqları halda az vergi ödəmələridir.

Təxminən 150 sənətçi və onların əməkdaşlıq etdiyi agentliklər risk altında hesab edilib. Belə ki, onların gəlirləri ilə vergi bəyannamələri arasında uyğunsuzluq aşkar edilib.

Həmin şəxslər və onların gəlirləri aşağıdakı kimidir:

1. Hande Erçel - Türkiyənin ən zəngin aktrisalarında biridir. Onun sərvətinin 249 milyon lirə olduğu məlum olub;

2. Serenay Sarıkaya - sərvəti 186 milyon lirədir;

3. Karyerasını həm Türkiyə, həm də İtaliyada davam etdirən aktyor Can Yamanın sərvətinin 311 milyon lirə olduğu bəlli olub;

4. “Muhteşem Yüzyıl” serialı ilə tanınan aktrisa Meryem Üzerlinin sərvəti də 311 milyon lirədir;

5. 20 yaşından bəri serial və film sektorunda yer alan, eyni zamanda modellik karyerası da olan Kıvanç Tatlıtuğun 466 milyon lirə sərvəti var.