Məşhur aktrisa surroqat ana vasitəsilə valideyn adı qazanıb - FOTO
“Emily in Paris”də baş rolu canlandıran məşhur aktrisa Lili Kollinz ana olub.
Sfera.az BBC-yə istinadən xəbər verir ki, körpəni surroqat ana dünaya gətirib.
Lili və həyat yoldaşı rejissor Çarli Makdauell sosial şəbəkədə paylaşım edərək surroqat anaya təşəkkür edib, övladlarına Tove Ceyn adını verdiklərini bildiriblər.
Cütlük sosial şəbəkədəki son paylaşımı ilə hər kəsi şoka salıb.
Çarli Makdauell onlara gələn mesajlara belə cavab verib: “Bütün xoş mesajlarınız və sevginiz üçün təşəkkür edirik. Biz çox xoşbəxtik. Surroqat analıq haqqında kobud mesajlara və uşaq sahibi olma qərarımıza gəlincə, surroqat analıq mütəxəssisi olmamaq normaldır. Kiminsə uşaq sahibi olmaq üçün surroqata ehtiyacı ola biləcəyini bilməmək normaldır. Nə düşünürsünüzsə, düşünün, surroqat ananın motivasiyasını bilməmək normaldır. Dünyaya nifrət dolu sözlər səsləndirməyə daha az vaxt sərf etmək yaxşıdır, xüsusən də insanların həyatına bu qədər sevgi gətirən gözəl körpə qız üçün. Hələlik bu qədər, çünki o, altını buladı, mən onun bezini dəyişməliyəm”.
Qeyd edək ki, cütlük 2021-ci ildə evlənib.
