Rəsmləri üçün 1 kq qızıl istifadə edən rəssamın dedikləri qalmaqal yaratdı - FOTOLAR

ABŞ-ın Mayami şəhərindən olan 47 yaşlı Viktoriya Unikelle (Yunikel) təxminən 69.000 funt sterlinq dəyərində olan 1 kq qızıl külçələri əzərək bu qiymətli metalı "Pul Kolleksiyası" adlı triptik rəsmlərini yaratmaq üçün istifadə etdiyi boyaya qarışdırıb. Qadın varlı və məşhur alıcıların diqqətini cəlb etmək istədiyini iddia edib.
 

Sfera.az bildirir ki, əvvəllər modellikdən təqaüdə çıxan sənətçi qətiyyətlə deyir ki, sənət “axmaq və kasıb insanlar üçün deyil”. O, hesab edir ki, onun işi sərvət maqnitini simvollaşdırır və yaratdığı əsərlərin sahibi daha böyük dəbdəbəyə malik olmalıdır.
 

Viktoriya qeyd edib ki, kolleksiyasını toplayandan bəri bir sıra sərfəli işgüzar sövdələşmələr edib və onun “şedevrləri”nə baxmağa gələn dostlar indi pul içərisində üzürlər.
 

"Rəsmlərin mənası ondan ibarətdir ki, onları alan adam daha da varlanır. Mən rəsmlərə qızıl qoyuram, çünki qızıl qızılı çoxaldır. Buna cazibə qüvvəsi deyilir" - deyə rəssam izah edir.
 

Viktoriya rəsmlərin onun milyarder olmasına kömək edəcəyinə ümid edərək, unikal kolleksiyanı yaxın gələcəkdə satmağı planlaşdırmır.
 

"Bu rəsmlər ortaya çıxandan sonra ərim və mən bizneslərdən çox yaxşı müqavilələr aldıq, bu, həqiqətən də nəticə verdi. Daha çox pul qazanmaq üçün onları bir müddət saxlamağa qərar verdim"  -deyə o əlavə edib.
 

Rəssam fəxrlə hazırda şəxsi kolleksiyaçı üçün milyon dollar dəyərində nəhəng rəsm üzərində fəal işlədiyini də bildirib.

Aysel