Filadelfiyada evlərin yaxınlığında təyyarə qəzaya uğrayıb: Ölənlər var - VİDEO
Amerikanın Pensilvaniya ştatının Filadelfiya şəhərində təyyarə qəzası baş verib.
Sfera.az bildirir ki, iki sərnişin və dörd ekipaj üzvünü daşıyan təcili yardım təyyarəsi ticarət mərkəzi və evlərin yaxınlığında qəzaya uğrayıb. Təyyarə yerə düşdükdən sonra güclü yanğın baş verib. Təyyarədə altı nəfər - iki sərnişin, bir xəstə və bir həkim, həmçinin ekipaj üzvləri olub. Hadisə yanvarın 31-də yerli vaxtla saat 18:30 radələrində baş verib.
Təyyarəni idarə edən “Jet Rescue Air0”–Ambulance təyyarənin Şimal-Şərqi Filadelfiya hava limanından qalxarkən qəzaya uğradığını bildirib. Təyyarə Missuri ştatının Sprinqfild-Branson Milli Hava Limanına gedirdi.
Təyyarənin qəzaya uğradığı an
JUST IN: New video of the plane crash in Philadelphia. At least 6 people killed pic.twitter.com/zrX3jZcjoO
— BNO News (@BNONews) February 1, 2025
Hələlik təyyarə qəzası nəticəsində ölənlərin olduğu məlumdur. Lakin say hələlik açıqlanmayıb. Hadisə yerində xilasedicilər, o cümlədən yanğınsöndürənlər işləyir.
Qeyd edək ki, yerdə xəsarət alanların da ola biləcəyi istisna edilmir: təyyarə qəzaya uğrayan zaman ətrafdakı evlərə çatan reaktiv yanacaq səpdiyi bildirilir. KİV-in məlumatına görə, nəticədə altı ev və altı avtomobil yanıb. Bununla belə, yanğınsöndürənlər tez bir zamanda yanğını lokallaşdırmağa müvəffəq olublar, indi hər şey nəzarət altındadır.
Yerli rəsmilər fəlakətin səbəbləri ilə bağlı araşdırmaya başlanıldığını açıqlayıb.
Qeyd edək ki, bir neçə gün əvvəl daha bir hava qəzası baş verib. Vaşinqtonda sərnişin təyyarəsi ABŞ ordusuna məxsus helikopterlə toqquşub, daha sonra çaya düşüb. Təyyarədə ümumilikdə 60 sərnişin və 4 ekipaj üzvü olub.
Aysel
