Turist otel otağında təyyarə tapdı
Amsterdamdakı (Hollandiya) oteldə qeyri-adi kəşf Şimali İrlandiyadan olan qonağı şoka salıb.
Sfera.az bildirir ki, turist kəşfini “TikTok”da izləyiciləri ilə bölüşüb. Onum paylaşımı sosial mediada böyük səs-küyə səbəb olub.
Hollandiyanın paytaxtına gələn gəncin standart bir otel otağı alacağı gözlənilirdi. Bununla belə, adi mühitin əvəzinə içəridə tam bir təyyarə modelini tapıb. Artıq 22,6 milyon dəfə baxılan videosunda o, "indiyə qədərki ən çılğın otel otağı" ilə qarşılaşdığını bildirib.
Əvvəlcə video olduqca adi görünür: qarderob, stul, çarpayı və televizor. Lakin sonra hənc adam kameranı yerindən tərpədir və otağın düz ortasında quraşdırılmış “Amsterdam şəhəri” yazısı olan nəhəng bir təyyarə modelini göstərir. Məlum olub ki, orada tam təchiz olunmuş sərnişin oturacaqları, işıqlandırma, hətta daxil ola biləcəyiniz pilot kabinəsi də var.
"Sadəcə standart bir otel otağı... çox maraqlıdır" - deyə oğlan videosunda bildirir.
“TikTok” istifadəçiləri dərhal minlərlə şərhlə belə bir otağın hansı oteldə yerləşəcəyi ilə maraqlanıblar. Məlum olub ki, bu unikal otaq “Corendon Amsterdam New-West Hotel”də “Suite 737”dir. Orada 100 funt-sterlinqə gecələyə bilərsiniz, şərhçilərin fikrincə, bu qeyri-adi təcrübəyə dəyər.
Bir istifadəçi qeyd edib ki, bu, unikal səyahət məzmunu yaratmaq istəyən bloqqerlər üçün ideal yerdir.
Aysel
