Britaniya sakini Lindsay Joanne (Lindsi Coanne) sosial şəbəkədə yeniyetməlik illərindən dəhşətli əhvalat paylaşıb. Bir neçə il o, həmyaşıdı olduğuna inandığı bir kişi ilə yazışıb. Lakin 10 il sonra onun əslində, yetkinlik yaşına çatmayanlara qarşı cinayətlərə görə məhkum edilmiş 55 yaşlı kişi olduğu məlum olub.

Sfera.az bildirir ki, Lindsi Coanne özünü yaxınlıqda yaşayan 14 yaşlı bir oğlan kimi təqdim edən "Ben"dən bir mesaj alıb. Ancaq sonradan onun yeni dostunun əvvəllər məhkum edilmiş yetkin bir kişi olduğu ortaya çıxıb.

Lindsi 13 yaşında, jurnalın "qələm yoldaşı" bölməsində qələm yoldaşları seçməyə başlayıb. Çoxlu məktublar arasında o, özünü yaxınlıqda yaşayan 14 yaşlı oğlan kimi təqdim edən "Ben"dən mesaj alın. Onların dostluğu bir neçə il davam edib və qız ən yaxşı dostu kimi təcrübələrini onunla bölüşüb.

14 yaşında isə vəziyyət dəyişib. Ben həyatının intim təfərrüatlarını ehtiva edən "gizli zərflər" göndərməyə başlayıb. Narahat olmasına baxmayaraq, Lindsi dostunun ümumiyyətlə yeniyetmə olmadığından xəbərsiz yazışmağa davam edirdi. Kollecə qəbul olduqdan sonra görüşmək istəyəndə Ben utancaqlığını əsas gətirərək imtina edib.

Tədricən qız münasibətlərinin qəribəliyini dərk etməyə başlayıb və nəhayət, bacısının faciəli ölümündən sonra yazışmaları kəsib. Ən çətin anında Ben onun acılarına məhəl qoymayıb və Lindsi onun məktublarına daha cavab verməmək qərarına gəlib.

On il sonra, qadın artıq işləyərkən anası bildirib ki, polis onu köhnə qələm yoldaşına görə axtarır. Lindsi, Benin əslində illərdir uşaqları aldadan cinayətkar olduğunu öyrəndikdən sonra məktublarını müstəntiqlərə oxumağa məcbur olub.

Hekayə sosial şəbəkələrdə geniş rezonans doğurub. Bir çox istifadəçi qeyd edib ki, jurnallar vasitəsilə yazışmaların populyar olduğu vaxtlarda belə hallara tez-tez rast gəlinir.

Aynil

On il sonra internetdə tanış olduğu dostu haqqında həqiqəti öyrəndikdə şok oldu