20 ildən artıqdır ki, ispan müğənni Enrike İqlesiasla münasibətdə olan 43 yaşlı rusiyalı tennisçi və model, dünyanın keçmiş bir nömrəsi Anna Kurnikova iki ildən sonra ilk dəfə Mayamidə ictimaiyyət qarşısına çıxıb.

Görüntüsü ilə o, dərhal pərəstişkarlarını təşvişə salıb.

Sfera.az bildirir ki, məşhur model və çoxuşaqlı ana Anna Kurnikova əlil arabasından istifadə edib, sağ ayağı isə gipsdə olub.

Anna açıq havada yerləşən Bal Harbour Shops ticarət mərkəzinə gəlib. Onunla birlikdə qızları, yeddi yaşlı Lüsi və dörd yaşlı Meri olub. Lüsinin əkiz qardaşı onları müşayiət etməyib. Onlar Mayamidə alış-verişə gedərkən naməlum qadın Kournikovanın əlil arabasını dayanacaqdan keçirib.

Qeyd edək ki, Kurnikova 21 yaşında davamlı zədələr səbəbindən idmanı tərk edib. O, təqaüdə çıxmazdan əvvəl səkkiz il peşəkar tennis oynayıb.

Anna Enrike ilə 2001-ci ildə "Escape" adlı klipinin çəkilişlərində tanış olub. Keçmiş tennisçi bütün bu illər ərzində şəxsi həyatı ilə məşğul olub, bütün diqqətini ailəsinə yönəldib və uşaqlarını böyüdüb.

"Video həyatımı heç vaxt mümkün hesab etmədiyim şəkildə dəyişdi. Biz görüşəndə - o idman dünyasından olsa da - bir-birimizi bir növ başa düşdük. O, mənim dünyamın necə olduğunu bilirdi. Mən onun necə olduğunu bilirdim. Bu anlayış çox kömək etdi” - deyə İqlesias bildirib.

Cütlük münasibətlərini çox uzun müddət gizli saxlayıb.

"Biz sadəcə olaraq yavaş-yavaş əlaqə qurmağa başladıq və daha da gücləndik. Getdikcə öyrənirsən. Yaxşı vaxtların olur, pis vaxtların olur və əgər pis vaxtların öhdəsindən gələ bilirsənsə, o zaman həqiqətən yaxşı vaxtlar gəlir. Bir çox insan deyir ki, 'Ah, yaxşı, mən bilirəm ki, bu mənim həyatımın qalan hissəsini keçirəcəyim insandır.' Mən bununla razıyam, amma eyni zamanda, həyatın səni hara və nəyə aparacağını heç vaxt bilmirsən.” - deyə sənətçi etiraf edib.

Əkizləri dünyaya gələndən sonra ilk dəfə ata olan İqlesias Budapeştdə verdiyi konsertdə səhnədə atalıqdan həyəcanla danışıb.

Üçüncü övladlarının dünyaya gəlməsi zamanı sənətçi həyat yoldaşına dəstək olub və göbək bağını özü kəsib.

Cütlüyün evləndiyi məlum deyil, lakin “İnstaqram” profilində Anna ikiqat soyad göstərir - Kournikova İglesias. 2023-cü ildə onların gizli şəkildə evləndiyi barədə xəbərlər yayılıb.

Keçmiş idmançı tez-tez pərəstişkarlarını ailə şəkilləri ilə bezdirməsə də, ötən il iyunun 16-da Enrikenin övladları ilə fotolarını dərc edərək, onu Atalar Günü münasibətilə təbrik edib.

Aysel

Enrike İqlesiasın sevgilisi iki ildən sonra ilk dəfə ictimaiyyət qarşısına çıxıb - FOTO