37 yaşlı məşhur italyan bloqqer Chiara Ferragni beş il müddətinə həbs oluna bilər. 2023-cü ilin dekabrında Chiara Ferragni bir milyon avrodan çox cərimələnib. İndi o, məhkəmə qarşısına çıxacaq.

Sfera.az bildirir ki, sosial media ulduzu və iş qadını dələduzluqda şübhəli bilinir. O, məhdud sayda “Pandoro Milad” tortlarını satmaqla müştərilərini aldadıb.

Hələ 2023-cü ilin dekabrında İtaliyanın rəqabətə nəzarət orqanı AGCM Ferragnini bir milyon avrodan çox cərimələmişdi. Araşdırma zamanı məlum olub ki, insanlar bloqqerdən Pandoro alır və uşaq xəstəxanasına xeyriyyəçilik etdiklərini düşünürlər. Ancaq bunun bir aldatma olduğu ortaya çıxıb.

Pandoro məşhur panetton tortuna alternativdir. Chiara Ferragninin şirniyyatları 9 avroya, desert istehsalçısının adi qiymətindən iki dəfə baha satılıb.

AGCM həmçinin tort istehsalçısı “Balocco”nu 420 min avro cərimələyib. İstintaqın məlumatına görə, istehsalçı Pandoro Pink Christmas brendinin buraxılmasından bir neçə ay əvvəl xəstəxanaya birdəfəlik 50.000 avro ödəyib, ona görə də tort satışı xeyriyyə ianələrinə təsir etməyib.

Bu arada, istehlakçılar ağır xəstə uşaqların terapevtik müalicəsi üçün yeni cihaz almağa kömək etdiklərini düşünüblər.

Chiara Ferragninin tibb müəssisəsinə heç bir şəxsi ödəniş etmədiyi, şirkətlərinin isə “Balocco”dan bir milyon avro aldığı iddia edilir.

İş qadını hüquqi proseslə üzləşib. O, beş il müddətinə azadlıqdan məhrum edilə bilər. İlk iclasın 23 sentyabr 2025-ci il tarixinə keçirilməsi planlaşdırılır.

Chiara özü bütün bu ittihamları rədd edir.

"Özümü və ailəmi qorumaq üçün son aylarda susmağı seçdim" - deyə o, İnstaqram hekayələrində yazıb.

Bloqqer həmçinin qeyd edib ki, günahsız olduğunu sübut etmək üçün əlindən gələni edəcək.

Aynil

Məşhur bloqqer beş il müddətinə həbs oluna bilər - Təfərrüatlar