60 il ərzində ABŞ-da Alan Robinson və Uolter Makfarleyn ən yaxın dost olublar. Onlar bir-birlərini az qala qardaş hesab ediblər. Ancaq tale onlara inanılmaz bir sürpriz edib, həqiqətən də qardaş olublar.

Sfera.az bildirir ki, gözlənilməz bir DNT testi iki ən yaxın dostun qardaş olduqlarını və eyni bioloji anaya sahib olduqlarını göstərib.

Hekayə Havayda başlayır, oğlanlar məhz burada hazırlıq məktəbində tanış olurlar və ortaq futbol sevgisi üzündən yaxın dosta çevrilirlər. Həyat onları müxtəlif yollara çıxarsa da, lakin həmişə yaxın - bir-birindən cəmi bir neçə mil məsafədə qalıblar.

Robinson erkən yaşda övladlığa götürülüb və MakFarleyn bioloji atasını tanımayıb. Əcdadı haqqında daha çox öyrənmək istəyən Uolter DNT testi keçirib. Nəticələr şok olub: bir çox təsadüflər arasında ən əhəmiyyətlisi Robi737 ləqəbli şəxs çıxıb.

Bu ad MakFarleynin ailəsinə tanış gəlirdi. Çünki bu ad uzun illər pilot kimi çalışmış çoxdankı dostu Alana məxsus idi. Sonrakı araşdırmalar inanılmaz faktı təsdiqləyib: Alan və Uolter qardaş, eyni bioloji anaya sahib çıxıblar.

Bu kəşf onlar üçün “ən yaxşı Milad hədiyyəsi” olub. Robinson etiraf edib ki, o, həmişə qardaşının olmasını arzulayırdı. Makfarleyn də öz növbəsində qeyd edib ki, indi onların dostluğu daha da dərin məna kəsb edir.

"Mənim 19 yaşımda itirdiyim kiçik qardaşım var idi, ona görə də heç vaxt qardaşım və ya qardaşım oğlu olmamışdı. Düşünürdüm ki, heç vaxt anamı tanıya bilməyəcəm, heç vaxt qardaşım və ya qardaşım oğlu olmayacaq".

Bu barədə ailələrinə danışanda emosiyalardan heç kim göz yaşlarını saxlaya bilməyib.

Aysel

60 ildən sonra bildilər: Ən yaxın dostlar qardaş çıxdılar