İndoneziyada qayıq batdı - Ölənlər var

İndoneziyanın Şimali Kalimantan əyaləti yaxınlığında içərisində 16 nəfərin olduğu qayıq batıb. Hadisə nəticəsində dörd nəfər ölüb, dörd nəfər isə itkin düşüb.

Sfera.az xarici mətbuata istinadən xəbər verir ki, səkkiz nəfər təhlükəsiz şəkildə təxliyə olunaraq yaxınlıqdakı xəstəxanaya çatdırılıb.

Axtarış-xilasetmə idarəsinin, yerli təbii fəlakətlərin qarşısının alınması və nəticələrinin aradan qaldırılması idarəsinin əməkdaşları və könüllülərin iştirakı ilə itkin düşən sərnişinlərin axtarış-xilasetmə əməliyyatı davam edir.

Hadisə ilə bağlı araşdırmalara başlanılıb.