Braziliyada təyyarəni ildırım vurub: Sərnişin anı çəkə bilib - VİDEO

Braziliyanın cənubundakı Sao Paulo-Quarulhos hava limanında British Airways-in sərnişin təyyarəsini ildırım vurub.
 

Sferaz.az xəbər verir ki, ildırım çaxması təyyarəyə minməyi gözləyən sərnişinin kamerasına düşüb.

“British Airways”in sərnişini Bernard Warr yanvarın 24-də Braziliyada evinə uçmalı olduğu təyyarəni ildırım vurması anını lentə alıb. Bernardın sözlərinə görə, bundan əvvəl də aerodromda böyük fırtına baş vermişdi və bir çox uçuşlar gecikmişdi, ona görə də o, hava hadisələrini lentə almaq qərarına gəlib.
 

“Pəncərədən baxanda aydın oldu ki, aerodrom yaxınlığında ildırım çaxır, ona görə də şəkil çəkdirməyə getdim.
 

Videonun müəllifi "Bəxtim gətirdi və ildırım çaxdı!" - deyə bildirib.
 

Uorrun videosunda hava limanının darvazasında dayanan təyyarəni ildırım vurması görünür.

Meteoroloqlar deyirlər ki, kommersiya təyyarəsini ildırım vurması nadir hadisədir və ildə bir və ya iki dəfədən çox olmur.
 

Milli Meteoroloji Xidmətin məlumatına görə, orta hesabla, videoda göstərildiyi kimi kommersiya təyyarələrində ildırımlar ildə bir-iki dəfə baş verir. Meteoroloqlar qeyd ediblər ki, bu cür təyyarələr ildırım vurmasına heç bir nəticə vermədən tab gətirəcək şəkildə layihələndirilib və tikilib.
 

Lakin hər dəfə təyyarəni ildırım vurduqda məcburi texniki baxışdan keçir və bu da uçuşların gecikməsinə səbəb ola bilər.

Aysel