Trampın sərt siyasəti Selenanı AĞLATDI: "İnana bilmirəm..." - VİDEO

Məşhur müğənni Selena Qomez ABŞ Prezidenti Donald Trampın meksikalı mühacirlərə qarşı sərt siyasətinə görə göz yaşlarına boğulub.

Sfera.az bildirir ki, meksika əsilli müğənni bu barədə sosial media hesabında video paylaşıb.

O, Meksika xalqından üzr istəyib, xüsusilə uşaqları hədəf alan bu yanaşmanın yanlış olduğunu vurğulayıb: 

“Baş verənlərə inanmaq çox çətindir. “Bütün xalqım hücuma məruz qalır. Mən, həqiqətən, kədərlənirəm. Kaş nəsə edə biləydim. "Mən nə edəcəyimi bilmirəm, hər şeyi sınamağa söz verirəm”.

Qısa müddətdə milyonlarla baxış toplayan video daha sonra müəyyən səbəblərdən silinib. Video silindikdən sonra “Görünür, insanlara empatiya ilə yanaşmaq düzgün addım deyil” kimi fikir bildirən mesaj paylaşılıb.

Qeyd edək ki, Tramp administrasiyası bu yaxınlarda mühacirlərə qarşı siyasətini sərtləşdirib, cənub sərhədində fövqəladə vəziyyət elan edib, qoşun yerləşdirib və sərhəd keçidlərini dayandıran fərman imzalayıb. 

Fidan