“Google Maps” bu körfəzin adını dəyişəcək - Trampdan GÖSTƏRİŞ

“Google Maps” ABŞ-nin Coğrafi Adlar Sistemi rəsmi olaraq yeniləndikdən sonra "Meksika körfəzi"nin adını "Amerika Körfəzi" şəklində dəyişəcək. 

Sfera.az xəbər verir ki, bu barədə “Reuters” şirkətin bəyanatına istinadən yazıb. Dəyişikliyi ABŞ-dəki istifadəçilər görəcəklər, lakin Meksikada ad dəyişməz qalacaq. Bu iki ölkədən kənarda istifadəçilər hər iki adı “Google Maps”də görəcəklər. “Google Maps” də “McKinley” dağının adında da oxşar dəyişiklik edəcək. 

Xatırladaq ki, ABŞ Prezidenti Donald Tramp yanvarın 20-də vəzifəyə gəldikdən sonra ilk saatlarda görülən bir sıra inzibati tədbirlər çərçivəsində adın dəyişdirilməsinə göstəriş verib. Prezidentin göstərişi ilə Meksika körfəzi rəsmi olaraq Amerika Körfəzi, Şimali Amerikanın ən yüksək zirvəsi (Alyaskanın Denali) yenidən "MacKinli" dağı kimi tanınacaq.

Trampın bu addımları, coğrafi adların təkcə tarixi deyil, həm də siyasi mənaları olduğunu vurğulayır. Təsadüfi deyil ki, bu tip dəyişikliklər mübahisələrə səbəb ola bilər, xüsusilə qonşu ölkə olan Meksika üçün bu qərarın təsiri böyükdür.

Vasif