Ukrayna daha bir qəsəbəni itirib - Ruslar şərq cəbhəsində irəliləyir

Rusiya ordusu Ukraynanın Donetsk vilayətinin Velikaya Novosilka qəsəbəsini də nəzarətə götürüb. 

Sfera.az xəbər verir ki, bununla bağlı məlumatı dünən Rusiya Müdafiə Nazirliyi açıqlayıb. 

Ukraynalı ekspertlər də Rusiya ordusunun Velikaya Novosilkanı işğal etdiyini təsdiqləyiblər. Ukraynanın “Xortitsa” qüvvələrinin əməliyyat-strateji qrupunun nümayəndəsi Viktor Trequbov yerli mediaya açıqlamasında qeyd edib ki, qəsəbənin 90 faizi Rusiya ordusunun nəzarətindədir. O bildirib ki, Ukrayna silahlı qüvvələri mühasirəyə düşməmək üçün qəsəbəni tərk etməli olub. 

Trequbov açıqlamasında etiraf edib ki, qəsəbənin qalan hissəsi də tezliklə rusların əlinə keçəcək. 

Qeyd edək ki, hazırda Rusiya-Ukrayna cəbhəsində əsas döyüşlər Donetskin Pokrovsk şəhəri istiqamətində gedir. 

Vasif