Ermənistanda Rusiyanın 102-ci bazasının hərbçisinin meyiti tapıldı

Ermənistanın Gümrü şəhərində Rusiyanın 102-ci bazasının hərbçisinin asılmış meyiti tapılıb.

Sfera.az xəbər verir ki, bu haqda Ermənistan KİV məlumat yayıb.

Belə ki, saat 17:20 radələrində Rusiya vətəndaşı Vitali Şevçenko polisə zəng edərək Gümrü şəhərinin Aram Xaçatryan küçəsindəki evlərdən birində asılmış meyit tapıldığını bildirib.

Polis və müstəntiqlər 23 yaşlı rusiyalı Aleksey Yampolskinin meyitini göstərilən binanın mənzilində tapıblar.

Hadisə ilə bağlı intihar və ya intihara cəhd maddələri ilə cinayət işi başlanıb. Meyitin məhkəmə-tibbi ekspertizası təyin edilib.