NATO-nun Ukrayna siyasəti: 191,2 milyard dollar dəstək

Son üç ildə NATO ölkələri Ukraynanı 191,2 milyard dollar məbləğində maliyyələşdirib.

Sfera.az bildirir ki, bu barədə “RİA Novosti” məlumat yayıb. Qeyd olunub ki, sözügedən məbləğin yarısından çoxu ABŞ tərəfindən ayrılıb.

“Bu, Ukrayna Maliyyə Nazirliyi, Kiel Universiteti və açıq məlumatlar əsasında aparılan hesablamalara əsasən belədir. NATO üzvü olan 32 ölkə 2022-ci ilin fevralından bu il yanvarın ortalarına kimi Ukraynaya 191,2 milyard dollar yardım edib. Bu məbləğin yarısından çoxu silahların dəyəridir (133,4 milyard). ABŞ isə Kiyevin ən böyük silah tədarükçüsünə çevrilib - 68,9 milyard dollar dəyərində… Almaniya da Ukraynaya 17 milyard dollar yardım edib ki, bu da NATO ölkələrinin verdiyi ümumi yardımın 8,9%-ni təşkil edir. Böyük Britaniya 14,8 milyard dollar və ya ümumi maliyyələşdirmənin 7,7%-ni ödəyib”.

Məlumatda o da qeyd olunub ki, Ukraynaya dəstək məqsədilə digər alyans ölkələri birlikdə 14,8 milyard dollar ayırıb:

“Bu da NATO-nun ümumi yardımının 7,7%-ni təşkil edir”.

Günay