Keyt Middlton xərçəng xəstəliyindən sağaldığı xəbərindən sonra krallıq vəzifəsini bərpa edib. Bu barədə Uels şahzadəsi “İnstaqram”da məlumat verib.

Sfera.az bildirir ki, Şahzadə Uilyamın həyat yoldaşı uşaqlara kömək edən layihəsini genişləndirdiyini açıqlayıb. Daha əvvəl xərçəng xəstəliyindən sağaldığını elan edən şahzadə erkən uşaqlıq layihəsi üzərində işə qayıdıb. O, ana və körpə ilə görüşüb. Şahzadə görünüşü üçün açıq yaşıl paltar və simvolik zinət əşyaları seçib. Fotolarda o, uşağın əlindən tutaraq gülümsəyir.

Maraqlıdır ki, Keyt bu dəfə şahzadə Diananın nişan üzüyü ilə görünüb. Şahzadə Keyt uzun müddətdir bu üzüyü taxmırdı.

Qeyd edək ki, səhiyyə mütəxəssislərinin dəstəyi ilə 2021-ci ildə əsası qoyulan və Şahzadə Uilyam və Keytin Kral Trestinin bir hissəsi olan Uels Şahzadəsi Erkən Uşaqlıq Mərkəzi Böyük Britaniyanın əlavə ərazilərində layihəni sınaqdan keçirir.

“Sınaq müddətinin genişləndirilməsi daha minlərlə ailənin bu sahədə xüsusi təlim keçmiş ziyarətçilərdən faydalanması deməkdir və körpələrin həyatının ilk aylarında və illərində rifahı üçün möhkəm zəmin yaradır” - deyə layihənin mətbuat xidməti qeyd edib.

Təşəbbüsün mərkəzini Körpələrin Narahatlığı və Davranışı Ölçüsü (ADBB) təşkil edir. Bu, valideyn-uşaq münasibətlərini gücləndirmək və gənc uşaqlarda sağlam inkişafı təşviq etmək üçün hazırlanmış layihədir. ADBB körpələrin göz təması, üz ifadəsi, səs çıxarma və fəaliyyət səviyyəsi kimi əsas davranışlara diqqət yetirərək dünya ilə necə qarşılıqlı əlaqədə olduğunu qiymətləndirir.

İdeya ilk dəfə Keytə 2022-ci ildə Danimarkaya səfəri zamanı gəlib.

Uels şahzadəsi bu yaxınlarda müalicə aldığı xəstəxanaya baş çəkdiyi zaman xərçəng xəstəliyindən sağalmasından rahatladığını bildirib.

Gələcək kralın həyat yoldaşı etiraf edib:

"Remissiyada olmaq rahatlıq verir və mən bütün diqqətimi sağalmağa yönəldirəm. Xərçəng diaqnozu qoyulmuş hər kəs bilir ki, yeni normala alışmaq üçün vaxt lazımdır".

Aysel

Keyt Middlton xərçəngdən sağaldıqdan sonra işə qayıdıb - FOTOLAR