1a:T7ee,

Amerikalı mühafizəkar jurnalist Candace Ouens Fransa prezidenti Emmanuel Makronun kişi ilə evli olduğuna dair sübut təqdim edəcəyinə söz verib. O, bu barədə yanvarın 23-də “X” sosial şəbəkəsində yazıb.

Sfera.az bildirir ki, jurnalist Candace Ouens Bricit Makronun əslində bioloji qadın olmadığını iddia edir. Qeyd edək ki, Paris məhkəməsi daha əvvəl oxşar arqumentlər irəli sürdükləri üçün iki nəfəri cərimələyib.

Ouens öz sözlərini yanvarın 30-da təsdiq edəcək. O qeyd edir ki, Bricit Makron adlı qadın heç vaxt olmayıb.

Jurnalist araşdırmanı dərc etməzdən əvvəl ədalətli və balanslı müsahibə üçün Makrondan 21 suala cavab verməsini istəyib. Siyahıda Bricit Makronun keçmişi ilə bağlı suallar yer alıb. Ouens gəncliyindən fotoları da paylaşmağı xahiş edir.

Jurnalist qeyd edib ki, Makron 39 yaşlı evli müəllim Bricitlə münasibətinin başlanğıcında 15 yaşında olub. Ancaq onun məktəb və ya tələbə həyatı ilə bağlı heç bir dəlil yoxdur.

Emmanuel Makron daha əvvəl həyat yoldaşının transgender olması ilə bağlı yayılan xəbərləri təkzib etmişdi. Fransa lideri 2024-cü ilin martında yalan məlumat və uydurma ssenariləri pislədiyini bildirib.

İfrat sağçı “Faits et Documents” jurnalının müəllifi Natacha Rey də madam Makronun kişi olaraq doğulduğunu və cinsiyyətini dəyişdiyini öyrənib. Britaniyalı jurnalistlər daha sonra Bricit Makronun uşaqlıq fotolarını tapıblar.

2024-cü ilin sentyabrında Paris məhkəməsi Rey də daxil olmaqla iki qadını böhtana görə 13.500 avro cəriməyə məhkum edib. Qeyd edək ki, hər ikisi Bricit Makronun kişi doğulduğunu iddia edib.

Aysel

4:[["$","s

ABŞ Fransa prezidentinin həyat yoldaşının transgender olduğunu sübut etmək istəyir