"Nüvə gücləri arasında toqquşma riski artır" - Sergey Şoyqu
Beynəlxalq arenada böyük dövlətlər arasında geosiyasi rəqabət güclənir və nüvə gücləri arasında şiddətli toqquşma riskləri artır.
Sfera.az xəbər verir ki, bu barədə “TASS”a müsahibəsində Rusiya Federasiyası Təhlükəsizlik Şurasının katibi Sergey Şoyqu bildirib.
"Dünyada artan münaqişə və geosiyasi rəqabətin güclənməsi fonunda nüvə güclərinin iştirakı da daxil olmaqla, böyük dövlətlər arasında şiddətli toqquşma riskləri artır. Qərb ölkələri Rusiya və Belarusa qarşı ideoloji və dəyərə əsaslanan təcavüzə əl atıb və təkcə iqtisadi sanksiyaların köməyi ilə deyil, həm də bu ölkələrdə daxili siyasi sabitliyi pozmağa çalışırlar”, - Şoyqu qeyd edib.
Onun sözlərinə görə, daxili vəziyyəti sabitsizləşdirmək, sosial əsasları sarsıtmaq və yad neoliberal ideologiyanı tətbiq etmək cəhdləri dayanmır.
Firuzə Əliyeva
