Almaniyada parkda uşaqlara vəhşicəsinə hücum edilib.

Sfera.az bildirir ki, Frankfurt yaxınlığındakı qədim Bavariyanın Aschaffenburq şəhərinin şəhər parkında naməlum şəxs bıçaqla uşaqlara hücum edib. Hücum edən şəxsi dayandırmağa çalışan bir uşaq və bir böyük öldürülüb. Onun özü də qaçmaq istəyərkən saxlanılıb.

Hücum edən şəxs uşaq bağçasından bir qrup uşağı izləyirmiş.

Polisin məlumatına görə, amansız hücum səhər saat 11.45 radələrində şəhərin Şontal Parkında baş verib.

Aschaffenburg uşaq bağçasının müəllimlərinin beş azyaşlı uşaqla parkda gəzdiyi bildirilir. Həmin şəxs bu qrupu izləyirmiş. Müəllimlər onu görüb uşaqlarla birlikdə çıxışa tərəf qaçıblar. Bu zaman kişi uşaqların üstünə gedib. Müəllimlərdən biri ağır yaralanıb və xəstəxanadadır, ikincisi isə əsəb böhranı keçirib.

Yerli media hücum nəticəsində 5 nəfərin yaralandığını bildirib. İki yaşlı uşaq ölüb, bir uşaq isə ağır yaralanıb. Hücumçunu dayandırmağa çalışan 41 yaşlı kişi də öldürülüb. Ölənin şəxsiyyəti və 28 yaşlı Əfqanıstan vətəndaşı olduğu bilinən hücumçunun adı açıqlanmayıb.

Hücum edən yaxınlıqdakı qatar stansiyasına tərəf qaçaraq qaçmağa çalışsa da, polis qatarların hərəkətini dayandıraraq onu saxlayıb. Başqa şübhəlilər yoxdur. Yalnız bir hücumçunun olduğu bildirilir.

Qeyd edək ki, noyabr ayında polis Aşaffenburqun mərkəzindəki Şontal parkının bir hissəsini quldurluq və hücumların da daxil olduğu narkotiklə bağlı cinayətlərin artması səbəbindən "təhlükəli yer" kimi təsnif edib.

Əraziyə polis tərəfindən ciddi nəzarət edilib və buna görə də şübhəli şəxs tez bir zamanda yaxalanıb.

Xatırladaq ki, Almaniyada bıçaqlı hücum hallarına daha çox rast gəlinir. Belə ki, 2024-cü ilin yayında Bavariyada bir şəxs Mannheim şəhərindəki meydanda canlı efirdə AfD partiyasının nümayəndəsinə hücum edib. Şəxs ona mane olmağa çalışan polis əməkdaşını da bıçaqlayıb. Sonradan məlum olub ki, hücum edən şəxs 9 il Almaniyada yaşayan 25 yaşlı Əfqanıstan əsilli gəncdir.

Aysel

Almaniyada naməlum şəxs bıçaqla parkda uşaqlara hücum etdi - Ölən var