"Trampın hakimiyyətə gəlməsi kiçik bir fürsət yaradıb" - Ryabkov
“Donald Trampın ABŞ-də hakimiyyətə gəlməsi Rusiya-Amerika münasibətləri üçün kiçik bir fürsət yaradıb”.
Sfera.az bildirir ki, bunu Rusiya Xarici İşlər Nazirliyinin rəhbərinin müavini Sergey Ryabkov deyib.
O, fikirlərini bu cür qeyd edib: “Yeni administrasiyanın danışıqlar aparmaq qabiliyyətinin dərəcəsi haqqında bu gün heç nə deyə bilmərik. Lakin yenə də Baydenin dövründəki ümidsizliklə müqayisədə, bu gün kiçik də olsa, bir fürsət pəncərəsi var. Buna görə də nə ilə və kiminlə məşğul olacağımızı, Vaşinqtonla ən yaxşı şəkildə necə münasibətlər quracağımızı, imkanları necə maksimuma çatdıracağımızı, riskləri minimuma endirəcəyimizi anlamaq vacibdir”.
Ryabkov vurğulayıb ki, onlar Amerikadaxili çəkişmələrin artacağını və hətta nümayişlərin olacağını görəcəklər: “Bu vəziyyətin ABŞ-nin xarici siyasət konturlarına necə təsir edəcəyi məsələsi ciddi diqqət tələb edir”.
Qeyd edək ki, Donald Trampın andiçmə mərasimi yanvarın 20-də baş tutub.
Günay
