Qazaxıstanda 100-dən çox şəxs saxlanıldı

Qazaxıstanda 118 nəfər hədə və kriminal dairələrin maliyyələşdirilməsində şübhəli bilinərək saxlanılıb.

Sfera.az yerli KİV-ə istinadən xəbər verir ki, bu barədə Daxili İşlər Nazirliyinin (DİN) Mütəşəkkil Cinayətkarlıqla Mübarizə üzrə Departamentinin nümayəndəsi Kuandık Alpıs məlumat verib.

Onun sözlərinə görə, Qazaxıstanın DİN və Milli Təhlükəsizlik Komitəsi prokurorluq orqanlarının koordinasiyası ilə ölkənin 10 regionunda eyni vaxtda genişmiqyaslı və uzunmüddətli xüsusi əməliyyatı başa çatdırıb.

"100-dən çox axtarış tədbiri həyata keçirilib. Üç ədəd Kalaşnikov avtomatı, iki travmatik tapança, müxtəlif çaplı çoxlu sayda döyüş sursatı, 11 kq-dan çox narkotik vasitə, mobil cihazlar və "qara" sənədlər götürülüb. Əməliyyat tədbirləri davam edir", - o bildirib.