Rusiyanın regionlarında 50 dərəcə şaxta olacaq - Sinoptiklər XƏBƏRDARLIQ ETDİ

Rusiyanın bir sıra regionları həftənin sonuna qədər kəskin şaxtalarla üzləşəcək.

Sfera.az Rusiya KİV-ə istinadən xəbər verir ki, yanvarın 21-i səhər Moskvada 2025-ci ilin əvvəlindən bəri ən soyuq olub. Belə ki, bölgədə havanın minimal temperaturu mənfi 7,5 dərəcə qeydə alınıb.

Lakin Moskvada yanvar ayına uyğun hava cəmi iki gün davam edəcək. Ardınca isə mart ayına xas olan istilər qayıdacaq.

Hidrometeorologiya Mərkəzinin məlumatına görə, Moskvada havanın temperaturu yenidən yüksəlməyə başlayacaq. Cümə axşamı və cümə günlərində temperaturun mənfi 2 dərəcə şaxtadan 0 dərəcəyədək isti olacağı, həftəsonu isə havanın sıfırdan yuxarı istiləşəcəyi, cənub küləyinin güclənəcəyi, yüngül yağıntılar gətirəcəyi gözlənilir.

Mərkəz onu da bildirir ki, həftənin ikinci yarısında Sankt-Peterburqda havanın temperaturu sürətlə yüksələcək: bazar günü, yanvarın 26-da 4 dərəcəyə qədər isti gözlənilir.

Rusiyada mənfi 50 dərəcəyə qədər kəskin şaxtalar gözlənilir.

Pozdnyakova bildirdi ki, yanvarın 21-də səhər Norilsk Arktika antisiklonunun zirvəsində həddindən artıq soyuq zonada olub: aydın havada şaxta demək olar ki, mənfi 50 dərəcəyə yüksəlib.

Hidrometeorologiya Mərkəzi bildirir ki, həftənin ikinci yarısında Sankt-Peterburqda havanın temperaturu sürətlə yüksələcək: bazar günü, yanvarın 26-da 4 dərəcəyə qədər isti gözlənilir.

Qeyd olunur ki, mərkəzi Rusiya istilik rekordları vurarkən, Ural, Sibir və Uzaq Şərq şiddətli şaxtalara hazırlaşır. Sözügedən ərazilərdə mənfi 50 dərəcəyə qədər həddindən artıq şaxtalar gözlənilir.

Hidrometeorologiya Mərkəzinin elmi direktoru Roman Vilfand qeyd edib ki, bir çox regionlarda 2025-ci ilin qışında havanın temperaturu iqlim normasından xeyli aşağıdır.

"Uralın şimalında və Volqa bölgəsində temperaturun əhəmiyyətli dərəcədə azalması müşahidə olunacaq. Perm diyarında yanvarın 21-22-də havanın temperaturu iqlim normasından 6-7 dərəcə aşağı, mənfi 25-29 dərəcəyə çatacaq. Yamalo-Nenets Muxtar Dairəsində yanvarın 19-dan 22-dək havanın temperaturu normadan 5-14 dərəcə aşağı, mənfi 37-44 dərəcəyə çatacaq", - Vilfand bildirib.

Taymir yarımadasında da havanın temperaturu iqlim normasından 10-15 dərəcə aşağı olacaq: yanvarın 18-dən 22-dək orada mənfi 45-49 dərəcə şaxta gözlənilir. Həmçinin, Krasnoyarsk diyarının şimalında mənfi 41-45 dərəcəyə qədər (normaldan 4-9 dərəcə aşağı) şaxta gözlənilir, termometr mənfi 40-42 dərəcə (normaldan 7-12 dərəcə aşağı) göstərəcək.