Donald Tramp Marsa ABŞ bayrağı sancacağına söz verib

ABŞ Prezidenti Donald Tramp andiçmə mərasimində çıxışı zamanı Amerika astronavtlarının iştirakı ilə Marsa missiya təşkil etmək niyyətini açıqlayıb.

Sfera.az xəbər verir ki, siyasətçi bildirib ki, ABŞ Marsın səthinə Amerika bayrağını sancmaq üçün öz astronavtlarını göndərəcək.

2020-ci ildə prezident kimi ilk müddətində Donald Tramp demişdi ki, Aya ayaq basan ilk qadın amerikalı, astronavtların Marsa çatan ilk ölkə isə ABŞ olacaq. O, həmçinin vurğulayıb ki, Birləşmiş Ştatlar üçün daha yaxşı vaxtlar gəlir və ölkəni qarşıda ən həyəcanlı illər gözləyir.

Yanvarın 20-də Vaşinqtonda Donald Trampın andiçmə mərasimi keçirilib. Tədbir Kapitolidə baş tutub və real vaxt rejimində yayımlanıb.

Əzizə Zeynal