1a:T7ed,

İspaniyada bir kişi həkim səhvinə görə təxminən 50 min avro təzminat alıb. Həkimlər onun daimi ereksiyasının öhdəsindən gəlməyə kömək edə bilməyiblər.

Sfera.az bildirir ki, məhkəmə diaqnozun düzgün qoyulmaması və əməliyyatın gecikdirilməsi səbəbindən həkimlərin hərəkətini səhv hesab edib. Zərərçəkənin sevgilisi də keçirdiyi psixoloji sarsıntıya görə 5 min avro məbləğində təzminat alıb.

Qeyd olunur ki, Valensiya Səhiyyə Nazirliyi yanlış diaqnoz və uzun müddətli ereksiyadan vaxtında müalicə olunmaması səbəbindən əziyyət çəkən xəstənin 50 min avro təzminat tələbini qəbul edib.

Aşağı bədən iflicindən əziyyət çəkən 36 yaşlı xəstə lazımi yardımı almamışdan əvvəl üç dəfə həkimə müraciət edib.

Məhkəmə bir neçə il davam edib. Belə ki, xəstə Valensiyadakı xəstəxanalardan birinə kateterdən istifadəyə görə 6 saatlıq ereksiya şikayətləri ilə gəlib.

Həkimlər priapizmin öz-özünə keçə bilən yüngül forması diaqnozu qoyub və xəstəni evə göndəriblər. 20 saatdan sonra vəziyyət yaxşılaşmayıb. Kişi yenidən həkimə müraciət etsə də, nəticəsi olmayıb.

Yalnız 30 saatdan sonra xəstə başqa xəstəxanaya göndərilib, orada əməliyyat olunub və kişi orqanına implant yerləşdirilib. Lakin cihaz uğursuz alınıb və təkrar əməliyyat lazım gəlib, bu dəfə də problem tam həll olunmayıb. Nəticədə kişidə xroniki erektil disfunksiya və daimi ağrı yaranıb.

Məhkəmə diaqnozun düzgün qoyulmaması və əməliyyatın gecikməsi səbəbindən həkimlərin hərəkətini səhv hesab edib. Nəticədə zərərçəkən və sevgilisi təzminat alıb.

Aysel

4:[["$","sc

30 saatlıq həyəcana görə xəstəxanadan 50.000 dollar təzminat aldı