İngiltərədə Andy Curry (Endi Karri) son 20 il ərzində hər gün 30 qutu “Pepsi” içib.

Sfera.az bildirir ki, Endi qazlı içkilərin orqanizminə və maliyyə hesabına təsirini açıqlayıb. Endi etiraf edib ki, o, günə bir litr qazlı içki ilə başlayıb və gün ərzində daha doqquz litr içib. Bu pis vərdişi olmasaydı, o, birdən çox dəbdəbəli avtomobil ala bilərdi. O, qazlı içkilərə gündə 25 dollar xərcləyib ki, bu da ildə təxminən 8500 dollar deməkdir. Əgər onun pis vərdişi olmasaydı, bu müddət ərzində birdən çox lüks avtomobil ala bilərdi.

"Mən həmişə soyuq “Pepsi”nin dadını sevmişəm. Heç bir şey onunla müqayisə oluna bilməzdi və mən sadəcə ona bağlı idim. Gecələr işləyirəm, ona görə də oyaq qalmaq üçün özümə bir stəkan şirin qazlı su tökməyi vərdiş etmişəm. Gündə dörd-beş iki litrlik butulka bütövlükdə çox pul tələb edirdi”-deyə britaniyalı etiraf edib.

Endi öz pis vərdişindən qurtula bilib.

İçki nəzarətdən çıxandan sonra Endinin səhhəti pisləşməyə başlayıb. İş o yerə çatıb ki, kişi 19 kilo çəki alıb. Həkimlər ona şəkər xəstəliyinə tutulma riski barədə xəbərdarlıq ediblər.

Endi daha sonra sərt pəhrizin köməyi ilə iki kiloqram arıqlamağı bacarsa da, yenə də pis vərdişindən əbədi olaraq qurtula bilməyib. Londonda yaşayan terapevt və hipnozçu Devid Kilmurri ona bu çətinliyin öhdəsindən gəlməyə kömək etmək üçün könüllü olub.

"Devid mənimlə onlayn seanslar apardı və təxminən 40 dəqiqə hipnoz seansları etdi. Onun nə etdiyini bilmirəm, amma bundan sonra sadəcə “Pepsi” içmək istəmədim. Soyuducuda hələ də içmək istədiyim iki qutu var. Seansdan əvvəl almışdım, amma bacarmadım. İndi mən suya üstünlük verirəm və belə daha çox enerjik hiss edirəm" - deyə o bildirib.

Aysel

20 il ərzində hər gün 30 şüşə qazlı içki içib: Başına gələnlər