Rusiya və İran arasında saziş imzalandı

Rusiya və İran prezidentləri Vladimir Putin və Məsud Pezeşkian Hərtərəfli Strateji Tərəfdaşlıq Sazişi imzalayıblar.

Sfera.az TASS-a istinadən xəbər verir ki, mərasim Kremldə aparılan danışıqlardan sonra baş tutub.

Bildirilir ki, sənəd Moskva ilə Tehran arasında münasibətləri yeni səviyyəyə qaldırmalıdır. Saziş, həmçinin uzunmüddətli perspektivdə əməkdaşlığın gələcək inkişafı üçün hüquqi baza yaradır.

İki ölkə rəsmilərinin sözlərinə görə, saziş müdafiə, terrorla mübarizə, enerji, maliyyə, nəqliyyat, sənaye, kənd təsərrüfatı, mədəniyyət, elm və texnologiya daxil olmaqla bütün sahələri əhatə edir.