Mişel və Barak Obamanın boşanma şayiələri yayılıb
Mediada Barak Obamanın ABŞ-ın 47-ci prezidenti Donald Trampın inauqurasiya mərasiminə həyat yoldaşı Mişelsiz qatılacağı barədə xəbərlərdən sonra cütlük arasındakı problemlər barədə əvvəllər yayılan şayiələr yenidən güclənib. Xanım Obama, həmçinin yanvarın 9-da keçmiş prezident Cimmi Karterin dəfn mərasimində "vaxt planında ziddiyyət" səbəbindən iştirak edə bilməyib.
Sfera.az bildirir ki, nə Barak Obama, nə də həyat yoldaşı ailə həyatı ilə bağlı söhbətləri şərh etmir, susmağa üstünlük verirlər. Onlayn detektivlər Mişelin qarşıdan gələn inauqurasiya mərasimində iştirak etməməsinin cütlüyün qaçılmaz boşanması haqqında çox şey danışdığını düşünür. Lakin digərləri Xanım Obamanın 2024-cü il mayın 31-də dünyasını dəyişən anasının vəfatından hələ də kədərləndiyini və bütün tədbirlərdə iştirakını vacib saymadığını bildirərək onlara qarşı çıxırlar. Trampın inauqurasiyasına gəlincə, sosial media istifadəçiləri onun Ağ Evin yeni rəhbərini bəyənmədiyini xatırladıblar. Mişel Obama ritorikası ilə ailəsini təhlükəyə atmaqda ittiham etdiyi Trampa qarşı düşmənçiliyini dilə gətirib.
Qeyd edək ki, Mişel və Barak 1989-cu ildə Çikaqoda hüquq firmasında işləyərkən tanış olublar. 1992-ci ildə evlənən cütlüyün altı il sonra ilk qızları Maliya dünyaya gəlib. Digər qızı Saşa 2001-ci ildə anadan olub.
Cütlüyün Amerika siyasətinin ən güclülərindən biri sayılmasına baxmayaraq, 2020-ci ildə yazdığı "Vəd edilmiş torpaq" adlı xatirə kitabında Barak Obama həyat yoldaşı ilə İllinoys Senatına gündəlik altı saatlıq gediş-gəliş zamanı necə mübahisə etdiyini yazıb.
Barak prezidentliyə namizəd olmaq qərarına gəldikdə, Mişel bu ideyaya həvəs göstərməsə də, lakin sonra bütün ölkə üzrə qaradərili insanlara, xüsusən də uşaqlara böyük təsir göstərə biləcəyini anlayaraq, ərinə kampaniyasında kömək etmək üçün könüllü olmağa qərar verib.
Xatırladaq ki, bu yaxınlarda Mişel həyat yoldaşını ad günü münasibətilə təbrik edərkən onu "həyatımın sevgisi" adlandırıb.
Aysel
